આખરે મૃતદેહનું પોસ્ટમોર્ટમ દિવસે જ શા માટે કરવામાં આવે છે, રાત્રે કેમ નહીં?

અનેક વખત કેટલાક પ્રશ્નો ધ્યાનમાં આવે છે, જેનો જવાબ આપવો થોડો મુશ્કેલ છે. જો કે અશક્ય નથી. આવો જ એક સવાલ એ છે કે દિવસ દરમિયાન મૃતદેહનું પોસ્ટમોર્ટમ કેમ કરવામાં આવે છે અને રાત્રે નહીં? તો ચાલો જાણીએ કે આની પાછળ ઘણા વૈજ્ઞાનિક કારણો છે, જેના વિશે તમે ભાગ્યે જ જાણતા હશો.

સૌ પ્રથમ તમારે જાણવું જોઈએ કે શા માટે પોસ્ટમોર્ટમ કરવામાં આવે છે. ખરેખર પોસ્ટમોર્ટમ એક પ્રકારનું ઓપરેશન છે જેમાં મૃતદેહનું પરીક્ષણ કરવામાં આવે છે. શબનું પરીક્ષણ એટલે કરવામાં આવે છે જેથી વ્યક્તિના મોતનું ચોક્કસ કારણ જાણી શકાય.

મીડિયા રિપોર્ટ્સ અનુસાર વ્યક્તિના મૃત્યુ પછી છ થી 10 કલાકની અંદર જ પોસ્ટમોર્ટમ કરવામાં આવે છે, કારણ કે શબમાં કુદરતી પરિવર્તન, જેમ કે ખેંચાણ આવવા લાગે છે.

મૃતદેહોનું પોસ્ટમોર્ટમ સૂર્યોદયથી સૂર્યાસ્ત સુધીનું હોય છે. આની પાછળનું કારણ એ છે કે રાત્રે ટ્યુબલાઇટ અથવા એલઇડીની કૃત્રિમ લાઈટમાં ઇજાનો કલર લાલની જગ્યાએ જાંબલી કલરનો રંગ દેખાય છે અને ફોરેન્સિક સાયન્સમાં જાંબલી કલરની ઈજા વિશે કોઈ ઉલ્લેખ નથી.

રાત્રે પોસ્ટમોર્ટમ ન કરવા પાછળ ધાર્મિક કારણ પણ છે. ઘણા ધર્મોમાં રાત્રે કોઈ અંતિમ સંસ્કાર કરવામાં આવતા ન હોવાથી, રાત્રે મૃતદેહનું પોસ્ટમોર્ટમ કરાવામાં આવતું નથી.